TARENDUNG MEWUNGE BỌU I PAULUS

II Korintus 13:11-13

Baha Babahang: “Pēndungangē, manga anạ u naungku, marěntahẹ̌e! Pěmpěndiahi kamene pěbawiahi makoạ měnsang. Tarimạe patikụ manga tuhu-tuhungku!” (ayat 11a).


  1. Baha babahang i kite ini, kai tarendung pěndungangē bọu i Paulus sol᷊ong su manga jumaatẹ̌ i Korintus. Tarendung ini nikěllị ual᷊ingu manga jumaatẹ̌ i Korintus masuang su orasẹ̌ masigěsạ. Pěngaruhẹ̌ dunia darengetẹ̌ dingangu ragamẹ̌ sasal᷊ạ su ral᷊ungu kapẹ̌darendehẹ̌, botonge měnggěhe si sire sol᷊ong su pěbawiahi su tawe měgaghěllị Mawu Ruata.
  2. Manga tuhu-tuhune kai: (1). Kereapa i sire marěntahẹ̌ su ral᷊ungu Měguwang. (2). Měmpěndiahi watang (“pěbawiahi měnsang”). (3). Mẹ̌sasěntuhụ, wal᷊inewe měmpateạ. (4). Sěmbaụ naung dingangu pekẹ, mangal᷊ene: mẹ̌kasěmbaụ, piạ karal᷊unsemahẹ̌ su pěbawiahi. (5). Masuang su karal᷊unsemahẹ̌ dingangu Duata, těngkasuang, dingangu watang hala (ayat 11).
  3. Tarendung i Paulus ini nakakoạ mewenge lai su pěbawiahi i kite. Su orasẹ̌ i kite mẹ̌koạ manga hal᷊ẹ̌ ini, i kite nẹ̌totol᷊okang masuang su pěbawiahi těmboẹ̌ dingangu karẹ̌dung-Ne. I sie kai pěbawiahi su měmpasěnnahẹ̌ naungu Duata. Su pēndungangē, pěbawiahi i kite sarung makoạ beresẹ̌ sol᷊ong su těngkasuang dingangu dunia.
  4. Kalima hal᷊ẹ̌ nirentang su poinẹ̌ rua su niki, kai měngkai bọu karạ i Duata su ral᷊ungu Yesus Kristus. Ini kai bua bọu kal᷊awọ i Rụ Kělkudusẹ̌. Ual᷊ingu ene, pěbawiahi kere ini sarung makoạ pẹ̌tadeạ su těngahu dunia su nakailang karěntahẹ̌, pěbawiahi měnsang, karal᷊unsemahẹ̌ su pětẹ̌tědụang dingangu dame. Pēndungangē beresẹ̌ bọu i Duata Mětěllu-Mẹ̌kasěmbaụ niul᷊udẹ̌ sol᷊ong si kite (ayat 13).

Duạ: Měguwang, pěmpẹ̌gaghẹ̌ si kami makoạ masuang těmboẹ̌ dingangu kapulu-Mu. Kereapa su těngahu dunia darengetẹ̌ ini, i kami tatapẹ̌ měgaghěllị areng-Mu. AMIN.

KARAL᷊UNSEMAHẸ̌ SU PĒNDUNGANGU MINGGU


Bagikan


Masuk untuk meninggalkan komentar